Ватанга муҳаббат энг олий туйғу

Ватан бу жарангдор сўзнинг асл маъноси она юрт демакдир....Инсон азал азалдан ўз Ватанини севиб, ардоқлаб, унга бўлган муҳаббатини турли йўллар билан изҳор қилган.Жорий йилнинг июн ойида олий ва ўрта махсус ислом таълим муассасаларида бўлиб ўтган «Ватанни севмоқ иймондандир» мавзусида бўлиб ўтган иншолар (эсселар) танлови ҳам бунинг ёрқин исботидир. Муҳтарам юртбошимиз Шавкат Мирзиёев ташаббуслари билан ташкил этилган ушбу танловда Бухоро шаҳар ''Жўйбори Калон'' аёл-қизлар ислом таълим муассасасида бўлиб ўтган 1- босқичда иштирок этиб, фахрли уч ўринни қўлга киритган Сатторова Озода, Аскарова Барчиной, Туробова Фотималар Республика босқичига йўлланма олишди. 14-17 июн кунлари бўлиб ўтган Республика босқичида иштирок этиб, таълим муассасаси шаънини ҳимоя қилишди. Якуний натижаларга кўра мадрасамиз 2-курс талабаси Сатторова Озода ''Фидойилик руҳи'' номинацияси ғолиби,   1- курс талабаси Туробова Фотима ''Беғубор туйғулар'' номинацияси ғолиби деб топилдилар.Талабаларимизнинг бундай натижалари ва ютуқлари биз мадраса аҳлининг қалбини зиёдаси ила фахр ва қувончга тўлдирди.

Тошкентда ўтказган кунларимиз жараёнида шу нарсага амин бўлдикки, иштирокчи йигит-қизларнинг қалбида жўш уриб турган ватан туйғуси уларнинг юз-кўзларида, ҳатти-ҳаракатларида намоён бўлиб турарди. Айниқса, Ўзбекистон касаба уюшмалари Федерацияси томонидан дастурий уюштирилган саёҳатлар иштирокчиларнинг Ватанга бўлган муҳаббатини янада оширди. Бундай ёшлар бор экан Бухорийлар, Термизийлар авлоди давом этади.Бу каби ютуқлар ижодкор ёшларни янада руҳлантиради, деб ўйлаймиз. Ватан туйғуси, юрт муҳаббати нафақат сатрларда, балки амалда қолаверса  юракларда жўш ургусидир....

Жўйбори Калон аёл-қизлар ўрта махсус ислом

 таълим муассасаси ўқитувчилари:                                И.Уста-Алимова ва М.Бозорова