“Motiridiylik ta’limoti bilimdoni” intellektual bellashuvi

2025-yil  28-aprel kuni  “Jo`ybori kalon” ayol-qizlar o`rta maxsus islom ta’lim muassasasi talabalari orasida  “Motiridiylik ta’limoti bilimdoni” intellektual bellashuvi o’tkazildi.

Ta`lim muassasasi direktori  O.Sharipova tadbir ishtirokchilariga  O’zbekiston Respublikasining diniy-ma’rifiy sohadagi islohotlari mazmuni, O’zbekiston Respublikasi Prezidentining “Imom Moturidiy tavalludining  1155-yilligini keng nishonlash to’g’risida” 2025 yil 14-mart kunidagi qarori qabul qilingani, Samarqand shahrida 30-aprel kuni “Moturidiylik-bag’rikenglik, mo’tadillik va ma’rifat ta’limoti” mavzusida xalqaro ilmiy-amaliy anjuman o’tkazilyotgani, diniy aqidaparast oqimlarga Imom Moturidiy asarlari orqali raddiyalar berilayotgani, Imom Moturidiyning tarjima qilingan asarlari  haqida  fikrlarini bildirdi.

Ushbu intellektual  bellashuvning maqsadi: 

✅  Talabalar Imom Moturiduyning ibratli hayot yo`li va  boy ilmiy-ma`naviy merosini har tomonlama chuqur o`rganishni rag`batlantirish;

✅  Davlat va din munosabatlari tushunchasini talabalarga har tomonlama chuqur o`rganishlarini tashkil etish;

✅  Moturidiylik ta`limotiga xos bag`rikenglik vа mo`tadillik tamoyillarini  talabalar orasida keng targ`ib qilish;

✅  diniy ta`lim muassasalari  talabalari o` jaholatga qarshi ma`rifat g`oyasi   asosida ma`naviy-ma`rifiy tarbiya va targ`ibot-tashviqot ishlarini samarali tashkil etish;

✅  sog`lom dunyoqarash  va ma`naviy tarbiyaning uzviyligini ta`minlash, ongu tafakkuri va dunyoqarashini yuksaltirish, mafkuraviy immunitetini mustahkamlash;

✅ yoshlarga Vatanga muhabbat tuyg`usini kuchaytirish, milliy an`analarimizga sodiqlik ruhida tarbiyalash.

Shuningdek, talim muassasasi ma’naviy-ma’rifiy ishlar bo’yicha direktor o’rinbosari  D.Boltayeva Imom Moturidiy hayoti, ustozi, shogirdlari, fiqh va kalom ilmida qoldirgan asarlari haqida ma’lumot berdi. 

Mazkur intellektual o’yinda jami 3 ta jamoada 4 nafardan 12 nafar talabalar ishtiroki ta’minlandi va  “Muslihalar” jamoasi g’olib jamoa deb topildi.                   Tadbir yakunida ta’lim muassasasi rahbariyati tomonidan har uchchala jamoa ishtirokchilariga  diplom va esdalik sovg’alari bilan rag’batlantirildi.

O’quv-uslubiy, ilmiy-tadqiqot bo’limi 

boshlig’i  N.K.Raximova