“Diniy soha xodimlarining asosiy vazifalari va majburiyatlari”

2025 yil 21-aprel kuni “Jo‘ybori Kalon” ayol-qizlar o‘rta maxsus islom ta’lim muassasasida “Diniy soha xodimlarining asosiy vazifalari va majburiyatlari”” mavzusida ma’naviy-ma’rifiy tadbir o’tkazildi. 

       Tadbirda Buxoro  viloyati bosh imom-xatibining  xotin-qizlar masalalari bo’yicha yordamchisi Rizvon Bahromova,  Buxoro  viloyat ichki ishlar boshqarmasining xodimi, kapitan Xayitova  Hilola  ishtirok etdilar.

      Tadbirni ta’lim muassasasi direktori O.Sharipova ochib, O’zbekiston Respublikasida olib borilayotgan  diniy-ma’rifiy islohotlari mazmuni, diniy soha xodimlari jamiyatda qaysi vazifa va majburiyatlarga rioya qilishi kerakligi, diniy soha xodimlari o’z kasbining yetuk mutaxassisi bo’lishi kerakligi, muomala madaniyatiga doimo rioya qilishi zarurligi haqida gapirdi.

     Shuningdek, Buxoro  viloyati bosh imom-xatibining  xotin-qizlar masalalari bo’yicha yordamchisi Rizvon Bahromova otinoyilarning o’z sohasini yaxshi bilishi, odob-axloqli bo’lishi lozimligi, ayollar  bilan ishlash ko’nikmalariga ega bo’lishi, diniy soha xodimlari har qanday ortiqcha munosabatlardan yiroq bo’lishi lozimligi, jamiyatda oilaviy nizo va ixtiloflarni yechishda otinoyilar roli beqiyosligi, otinoyilarning 10 ta vazifasi  haqida fikr bildirdi. 
      Tadbir davomida  Buxoro  viloyat ichki ishlar boshqarmasining xodimi, kapitan Xayitova  Hilola   diniy soha xodimlarining dinning asl mohiyatini tushuntirishda roli, noqonuniy diniy materiallarni tayyorlash, saqlash, tarqatish bo’yicha javobgarlik mavjudligi, noqonuniy diniy ta’lim berish javobgarlikka sabab bo’lishi haqida ta’kidladi. Tadbir so’ngida talabalar tadbir ishtirokchilariga o’zlarining qiziqtirgan savollarini berishdi.

                                                                                                                                              Ma'naviy-ma'rifiy ishlar bo'yicha direktor o'rinbosari: D.Boltayeva