Қандай қилиб кўпроқ китоб ўқишга эришиш мумкин?

         Бугун мен сизларга йилига 30 дан ортиқ китоб ўқишга эришиш учун фойдаланадиган оддий тизим ҳақида гапириб бермоқчиман, - деб сўз бошлади 165 нафар талабадан иборат аудиторияда маъруза ўқиётган Уоррен Баффет. У 20-асрнинг энг йирик сармоячиси ҳамда Колумбия Университетининг таниқли профессори бўлиб, менежмент ва сармоядорлик бўйича талабаларга маърузалар қилади.Талабалардан бири қўлини кўтариб, Баффетдан катта сармояга эга бўлишнинг энг яхши усули тўғрисида фикрларини сўради. Баффет бироз ўйланиб ўтиргандан сўнг, ўзи билан олиб келган бир қатор қоғозлар ва савдо ҳисоботларини чиқариб деди: «Ҳар куни шундай 500 саҳифани ўқинг. Билим шу тарзда ривожланади. Мураккаб қизиқиш сингари у кўпаяди. Ҳаммангизнинг қўлингиздан келади, лекин мен сизнинг кўпларингиз қила олмаслигингизга кафолат бераман "

           Баффетнинг таъкидлашича, иш вақтининг 80 фоизи ўқиш ёки фикр юритиш билан ўтказилади. Сизнинг ўзингиздан “Мен етарлича китоб ўқияпманми?”-деб сўрашингиз кифоя.

 Яқинда ўзимга шу саволни берганимда, мен хоҳлаганимча ўқимаслигимнинг оддий сабаблари борлигини англадим ва йилига 30 дан ортиқ китоб ўқишимга ёрдам берадиган оқилона тизим ишлаб чиқдим. Уни сизларга тушунтиришга ижозат беринг.     

 Қандай қилиб кўпроқ китоб ўқишга эришиш мумкин? 

Агар сиз қандай ўқишни билсангиз, унда китоб ўқиш нисбатан осон. Сиз шунчаки ўқиш учун вақт ажратишингиз керак. Айтиш осонроқ, албатта.

Ўзимнинг ўқиш одатларимга назар ташлаганимда, ўқиш одатларим фаол эмас, аксарият ҳолларда реактив эканлигини англадим. Агар Фейсбук ёки Телеграмга менинг экранимда қизиқарли ҳавола пайдо бўлса, мен уни реакция сифатида ўқиган бўлардим. Мен ҳар куни фаол равишда китоб ўқиш учун вақт ажратмаётган эдим. Олдимга сурилган қизиқарли фикрларни шунчаки ўқиётган эдим. Натижада, ўқиш учун аксарият вақтимни Интернетда ўтказдим. Тўғри, Интернетда жуда яхши мақолалар мавжуд, аммо умуман олганда, яхши китоблар улардан афзалроқ. Китоблар, одатда, яхши ёзилган (масъулият билан таҳрирланган) ва юқори сифатли маълумотларга эга (фактларни текшириш ва кенг қамровли тадқиқотлар). Ўрганиш нуқтаи назаридан, вақтни онлайн ўқишдан кўра, китоб ўқишга сарфлаганим маъқулроқ.

Шундай қилиб, одатдаги чалғитадиган нарсаларга халақит бермасдан, кўпроқ китоб ўқишингизга имкон  берадиган стратегияни топишим керак эди.

Сиз буни қандай қиласиз?

Кунига 20 саҳифа стратегияси

Кунни бошлаш учун 20 саҳифани ўқинг.

Мен одатда, уйғонаман, ўзимга кофе таерлаб,  китобнинг 20 саҳифасини ўқийман. Сўнгги 10 ҳафта мобайнида мен ушбу янги одатга эргашдим. Бугунги кунга келиб, менинг 7-китобимнинг 100 саҳифаси. Шу темпда (10 ҳафтада 7 та китоб) келаси йилда, тахминан, 36 та китоб ўқийман. Ёмон эмас, шундайми?

Бу стратегия ишлашининг сабабларини келтираман:

1. 20 та саҳифа анчагина кам бўлганлиги учун кишини қўрқитмайди. Кўп одамлар 30 дақиқада 20 саҳифани ўқишни тугатишлари мумкин.
2. Агар сиз эрталаб биринчи навбатда шу ишни қилсангиз, унда кун давомида ишга кўмилиб кетишингиз ҳам мутолаа қилишингизга  халақит бермайди.
3. Ва ниҳоят, 20 саҳифа кичик бўлиб кўринади, аммо тезда ўқилган саҳифалар йиғилиб қолади. Бу ўртача, бироқ натижаси катта тезлик.

Куннинг қолган қисмида нима бўлишидан қатъий назар, ҳар куни эрталаб ўзингизнинг 20 саҳифали вазифангизни албатта бажаринг.

Биринчи соат усули

Куннинг биринчи соатини қандай ўтказасиз?

Аксарият одамлар уни кийинишга, тайёрланишга ва эшикдан шошилишга сарфлайдилар. Агар ўша вақтни ўзини яхши одам қилишга сарфлаган бўлса-чи? Агар ҳар куни керак бўлишидан бир соат олдин уйғониб, ўзингиз устида ишласангиз нима бўлади? Сиз ишда, муносабатларингизда ва инсон сифатида қанчалик яхши бўлар эдингиз?

Айнан мана шу ўқиш стратегияси сиздан сўрайди. Куннинг одатдаги шовқин-суронига ўтишдан олдин, ўзингизга маблағ сарфланг. Сизнинг ҳаётингиз гирдобга айланишидан олдин, сизни яхшилайдиган китобни ўқинг. Бир йил давомида ўқишингиз фойдали ва зарур деб билган китобларингиз рўйхатини тузиб олинг. Ҳаётингизга катта таъсир кўрсатиши мумкин бўлган одатларнинг кўпчилигида бўлгани каби, бу ҳеч қачон шошилинч бўлмайди, аммо бу жуда муҳимдир.

Кунига 20 бет. Сизга керак бўлган нарса.

Жўйбори Калон аёл-қизлар мадрасаси АРМ рахбари Динара Амонова

  (“Atomic habits”китобидан таржима)