O’zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasi”ni o’rganish bo‘yicha seminar

2025 yil  14-mart kuni Jo‘ybori  Kalon ayol-qizlar o‘rta  maxsus islom ta’lim muassasasida “O’zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasi”ni  o’rganish bo‘yicha seminar o’tkazildi. Seminarni  ta’lim  muassasasi direktori  O.T.Sharipova ochib, diniy-ma’rifiy sohadagi islohotlarning mazmuni, dinning insonparvarlik mohiyati, radikal diniy oqimlar, ekstremistik va terroristik tashkilotlar g’oyalariga qarshi kurashish, jamiyatda qonun ustuvorligini mustahkamlash haqidagi fikrlarni bildirdi.  Seminarda  ta’lim muassasasi  ma’naviyat va ma’rifat ishlari bo‘yicha direktor o‘rinbosari D.Boltayeva “O’zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasi” qabul qilinishi, konsepsiya boblari va mazmuni, “vijdon erkinligi”, “dunyoviylik”, “dunyoviy davlat”, “dunyoviy qadriyatlar”, “diniy bag’rikenglik”, “millatlararo totuvlik”, “dinlararo muloqot va o’zaro  tushinish” tushunchalari mohiyatini ochib berdi. Seminar davomida  Jo‘ybori  Kalon ayol-qizlar o‘rta  maxsus islom ta’lim muassasasi O’zbekiston tarixi fani  mudarrissasi Sh.Elchiyeva “konsepsiya”  tushunchasining mazmun mohiyati, konsepsiya boblarining hozirgi kundagi ahamiyati, O’zabekistonda davlat va din munosabatlari, diniy ta’lim tizimi, konfessiyalararo totuvlikni va diniy bag’rikenglikni ta’minlashda davlat organlari, diniy tashkilotlar, va fuqarolik jamiyatining boshqa institutlari o’rtasida hamkorlikni mustahkamlash masalalari to’g’risida fikr bildirdi.