Китоблар тақдимоти

Юртимизда маънавий-маърифий соҳаларни ривожлантириш, буюк алломаларимиз илмий асарларини тадқиқ этиш ҳамда уни кенг жамоатчиликка етказиш, халқимиз, айниқса, ёшларни бундай нодир асарлардан баҳраманд этиш мақсадида тизимли ишлар амалга оширилмоқда.

    Ўзбекистон мусулмонлари идораси  "Вақф" хайрия жамоат фонди томонидан  Абу Мансур Мотуридийнинг “Таъвилот Ал-Қуръон ”                     (25-26 жузлар) китоби,  Имом Доримий “Сунани Доримий” сайланма ҳадислар китоби, Абу Жаъфар Муҳаммад ибн Абу Ҳотим Варроқ Бухорий “Шамоили Бухорий” китоби, Алоуддин Косоний “Косоний ақидаси” китоби ,  Юлдашходжаев Хайдархон , Каюмова Ирода “Медресе Мир араб (библиографический альбом)” китоблари Жўйбори Калон” аёл-қизлар ислом таълим муассасаси Ахборот-ресурс маркази фондига топширди.

      Куни кеча  таълим муассасасида Абу Мансур Мотуридийнинг “Таъвилот Ал-Қуръон” (25-26 жузлар) китоби,  Имом Доримий   “Сунани Доримий” сайланма ҳадислар китоби тақдимоти бўлиб ўтди.

Тақдимотни таълим муассасаси ўқув ишлари бўйича директор ўринбосари Х.Халимова кириш сўзи билан бошлаб, бугунги кунда алломаларимиз меросини чуқур ўрганиш ва тадқиқ этиш борасида фикр билдириб, буюк алломаларимизнинг илм йўлида изланишлари ва ёзган асарлари ҳақида тадбир иштирокчиларига   гапириб ўтди. 

  Тақдимот сўнгида Мир Араб ўрта махсус ислом таълим муассасаси мударриси Эркин Қудратуллоҳ томонидан  таълим муассасаси  мударрис-ўқитувчилари, ишчи-ходимлари ва талабаларига (10 турдан иборат 800 дона) китоблар тўплами ҳадя сифатида  ҳомийларни жалб этган ҳолда уларнинг ҳар бирига тақдим этилди.

"Яхшиликнинг мукофоти фақат яхшиликдир". Аллоҳ таоло уларнинг қилган хайрларини қабул қилиб, садақаи жорияларига муносиб мукофотларни икки дунёда кўпайтириб берсин!