QABUL 2023-2024

O‘rta-maxsus diniy ta'lim muassasalariga hujjat qabul qilish muddati bo‘yicha eslatma

✅ O‘zbekiston musulmonlari idorasi tasarrufidagi oliy va o‘rta maxsus diniy ta'lim muassasalariga 2023-2024 o‘quv yili uchun abiturientlarning hujjatlari offlayn shaklda, ya'ni ta'lim muassasasi qabul hay'ati tomonidan qabul qilinadi.  

🏫 O‘rta maxsus islom ta'lim muassasalarida:
2023 yil 20 iyundan 20 iyulgacha (shu kuni ham soat 18:00 gacha).

Abiturientlar o‘rta maxsus islom ta'lim muassasalarining qabul hay'atiga quyidagi hujjatlarni taqdim etadi:

📝– ta'lim muassasasi rahbari nomiga ariza;

🪪 pasport yoki ID karta nusxasi (asli ko‘rsatiladi);

📘– ma'lumoti to‘g‘risida attestat yoki diplom (asl nusxasi);

👤– 3,5 x 4,5 hajmdagi 6 dona rangli fotosurat (so‘nggi uch oyda olingan va orqa foni oq rangda bo‘lishi talab etiladi);

🔖– chet tili bilishi to‘g‘risidagi sertifikat (ma'lumoti to‘g‘risidagi hujjatda ko‘rsatilgan chet tilidan boshqa chet tili bo‘yicha imtihon topshiruvchilar uchun) asl nusxasi.

✅ O‘rta maxsus islom ta'lim muassasalariga yurtimizdagi o‘rta, o‘rta maxsus, professional ta'lim muassasalarini tamomlagani to‘g‘risidagi hujjat (diplom)ga ega bo‘lgan fuqarolar qabul (test sinovi) imtihonlari natijalariga ko‘ra o‘qishga qabul qilinadi.