"Joʻybori Kalon"da "ENG YAXSHI KITOBXON" koʻrik tanlovining saralash bosqichi.

Oʻzbekiston musulmonlari idorasining 2023-yil 31-martdagi 01A/43-sonli buyrugʼiga asosan "Joʻybori Kalon" ayol-qizlar oʻrta-maxsus islom taʼlim muassasasida "Eng yaxshi kitobxon" koʻrik tanlovining saralash bosqichi oʻtkazildi.Mazkur tanlovda taʼlim muassasa talaba qizlari badiiy asarlar mutolaasi boʻyicha oʻz bilimlarini sinashdi. Hakamlar hayʼati tarkibida Buxoro davlat universiteti filologiya fakulteti oʻzbek tili va adabiyotshunosligi kafedrasi professor-oʻqituvchilari M.Rajabova, H.Safarova hamda Z.Amonovalar taklif etilib, ushbu tanlovning barcha shartlarini bajarishda ishtirokchilarni xolis, shaffof va ochiq-oydin tarzda baholashdi. Tanlov 3 ta shart boʻyicha oʻtkazildi. 

1-shart. Test sinovi

2-shart. Badiiy asarlar bilimdoni. 

3-shart. Tezkor savollar.

Barcha ishtirokchilar 3 ta shart boʻyicha berilgan savollarga aniq va puxta javob berishdi. Tanlov juda ham qizgʻin va maroqli oʻtdi. Tanlov soʻnggida 3 nafar ishtirokchi yuqori ballarni qoʻlga kiritishdi. 

1-oʻrin. Aminjonova Guljahon (188,5 ball).

2-oʻrin. Mamasoliyeva Oydiniso (185 ball )

3-oʻrin. Moʻminjonova Shodiya (152 ball )

1-oʻrinni egallagan ishtirokchi Aminjonova Gulhanon tanlovning respublika bosqichida qatnashish huquqini qoʻlga kiritdi. Tadbir soʻnggida  1-2-3-darajali diplomlar va sovgʻalar gʻoliblarga topshirildi. Qolgan ishtirokchilarga ham hadyalar ulashildi. Yoshlar bilan ishlash, maʼnaviyat va maʼrifat ishlari boʻyicha boʻlim boshligʻi I.Usta-Alimova barcha ishtirokchilarni tabriklab, minnatdorchilik bildirdi. Ushbu tadbir barchaga katta taassurot qoldirdi.

Yoshlar bilan ishlash, maʼnaviyat va maʼrifat ishlari 

boʻyicha boʻlim boshligʻi                                 I.Usta-Alimova