Тashrif

2023-yil 2-mart kuni "Jo'ybori Kalon" ayol-qizlar o'rta maxsus islom ta'lim muassasasida Shayx Alijon qori  hazratlari zavjalari tashrif buyurib, talabalarga ilmiy-maʼrifiy suhbat qilib berdi.
Ushbu maʼnaviy-maʼrifiy tadbirda “Joʻybori Kalon” ayol-qizlar oʻrta maxsus islom taʼlim muassasasi ustoz va talabalari ishtirok etdi.
Tadbirda Shayx Alijon qori hazratlarining zavjalari o'z nutqida diniy sohadagi ijobiy oʻzgarishlar, bir necha yillardan beri ilm tarqatib, faoliyat ko'rsatayotgan "Jo'ybori Kalon" madrasasining bugungi mavqei hamda ilm olish fazilati haqida aytib o'tdilar.  Qurʼon, hadis ilmlari va diniy hamda dunyoviy ilmlarni chuqur o'rganish borasida go'zal suhbatlar bo'lib o'tdi. 
Shuningdek, ta'lim muassasasining 2-kurs tolibalari Shayx Alijon qori hazratlarining zavjalaridan "Tuxfatul Atfol" kitobidan ijoza olib, barchaning xursandchiligiga sabab bo'ldilar. 
Suhbat yakunida  Shayx Alijon qori hazratlari zavjalari  tomonidan “vaqf” jamoat fondining sovgʻasi - SMART doska "Jo'ybori Kalon" ayol-qizlar madrasasiga hadiya qilindi hamda yurtimiz tinchligi, fan rivoji borasida duoyi xayrlar qilindi.

"Jo'ybori Kalon" ayol-qizlar o'rta maxsus islom ta'lim muassasasi matbuot xizmati